Lýsing á ferð:

​

Við keyrum norður eftir vesturströndinni, beygjum örlítið upp í fjöllin og heimsækjum geita- og kindabúgarð þar sem þau eru með um 420 dýr. Þar framleiða þau ýmislegt úr afurðunum sínum, en þekktust eru þau fyrir ostana sem hafa hlotið fjölda verðlauna — þar á meðal nokkur gullverðlaun á heimsvísu (meira að segja í Frakklandi!).

Við fáum að skyggnast aðeins á framleiðsluna, smakka sósur og nokkrar tegundir af einum af bestu ostum sem eyjan hefur upp á að bjóða. Við fáum einnig að heimsækja kindurnar og geiturnar — og ef heppnin er með okkur, sjáum við jafnvel kiðling fæðast á meðan við erum á staðnum.  Það er líka skemmtilegt að sjá hversu ólíkar kindurnar eru íslenska stofninum okkar.
Vitið þið hvað þau gera við ullina af kindunum? 👀

​

Los Gigantes – Risarnir við ströndina 🌴⛰️

Við ökum í átt að ströndinni, í gegnum grænar bananaplantekrur og litla fallega bæi, þar til við komum að hinum tignarlegu Los Gigantes-klettum – „Risunum“ sem minna á Látrabjarg okkar Tenerife-búa. Þar njótum við stórbrotnu útsýnisins og með smá heppni sjáum við jafnvel yfir til La Gomera.

​

Þaðan höldum við áfram upp í Teno-fjallgarðinn, í gegnum fjallaþorpið Santiago del Teide og yfir til hins margrómaða þorps Masca – „týnda þorpsins“ – sem margir telja einn fallegasta stað eyjarinnar og þann næstfjölförnustasta.

Það er erfitt að lýsa þeirri stórbrotnu náttúrufegurð sem blasir við þegar ekið er yfir fjallshrygginn, í um 1.000 metra hæð. Við göngum um Masca-þorpið, fáum jafnvel að smakka heimaræktuð afurð Fernando bónda og fræðumst aðeins um plöntulífið – meðal annars um kaktuslúsina sem var verðmæt framleiðsla á eyjunni á 19. öld.

Að lokum röltum við yfir á veitingastað þar sem við njótum ljúffengra tapasrétta og drykkja í hádegismat áður en haldið er til baka.

​

​

​

ATH: Við sækjum og skilum á Hótel í Los Cristianos, Las Americas og Adeje (þó ekki vestur af La Caleta).

​

​

Athugið að í þessa ferð er fjölda lágmark, það þurfa að lágmarki vera 10 skráðir þátttakendur til að af þessari ferð verði.  Við munum hringja í ykkur daginn fyrir ferðina og láta ykkur vita.