Ný útgáfa af einni af vinsælustu ferðum Tenerife Ferða

​

Langar þig að upplifa Tenerife í gegnum mat, vín, menningu og fallegt landslag?  Þá er Matur & Vín ferðin fyrir þig.

Við byrjum á því að sækja þig beint á hótelið og höldum síðan af stað í þægilegum bíl með íslenskum fararstjóra. Við keyrum hraðbrautina beina leið að Bodegas Monje, einni þekktustu víngerð Tenerife.

​

Þegar við komum á Bodeguna (vínekruna) förum við strax í áhugaverða ferð um víngerðina og fáum við innsýn í vínrækt á Tenerife og fáum að kynnast sögu og hefðum víngerðarinnar.

​

Eftir skoðunarferðina er komið að uppáhalds hluta margra – vínsmökkun og svo matur. 🍷

​

Við setjumst niður í notalegu umhverfi og njótum úrvals vína frá Bodegas Monje áður en borinn er fram glæsilegur kanarískur hádegisverður.

​​

🍽️  Matseðill

• Forréttur

  • Úrval af brauði og áleggi

  • Vatnakarsesmjör, almogrote-ostamauk og chorizo-pylsa frá La Palma

  • „Tía Lola“ kjúklingabaunir

• Fyrsti réttur

  • Grænmetiskrem með fjögurra korna gofio

• Aðalréttur​

  • Viðareldað vínalæri með kartöflum, sætu grænmeti og grænu mojo-sósu með möndlum.

• Eftirréttur

  • Kanarískur vanillubúðingur með vínsætri svampköku og Hollera-sultu.

  • Kaffi og brauð

​

Með matnum er boðið upp á ½ flösku af víni á mann, þar sem hægt er að velja úr úrvali hússins, bæði hvítvín, rósavín og rauðvín. 

​​

 Matur, vín og menning... og aðeins meira vín.​

​

​

Víngerðarfjölskylda frá árinu 1750

Monje-fjölskyldan hefur verið í víngerð allt frá 1750 – í um 276 ár. Þetta hefur gengið í gegnum kynslóðir og Felipe Monje, sem rekur víngerðina í dag, er fimmta kynslóðin í fjölskyldunni.

Þannig er þetta ekki bara fyrirtæki sem byrjaði sem ferðamannastaður – vínræktin var hluti af fjölskyldulífinu löngu áður en hugtakið „wine tourism“ varð til.  „Þegar við erum að smakka þessi vín erum við í raun að smakka hluta af fjölskyldusögu sem nær meira en 275 ár aftur í tímann.“

​

Monje ræktar meðal annars Listán Negro, Listán Blanco, Negramoll, Tintilla, Vijariego Negra og Marmajuelo.

Það áhugaverða er að þau vinna einnig með vínberjategundir sem eru fyrir phylloxera-smitið, þ.e. gömul erfðalína sem hefur varðveist frá fyrri tíð.

​

​